منقول عن الأستاذة Sonya English Class مشكورة
إجابة على حيرة بعض الأولياء الي راسلونا على الخاص: شنوة لازم يعرف تلميذ سنة خامسة في المستوى الي قراه إلى حد الآن ومن شنوة لازم يكون متمكن؟
تلميذ سنة خامسة المفروض يكون تعدى بفترة ما تقلش على أسبوعين ثلاثة في مراجعة أهم نقاط برنامج السنة الرابعة والي هي: التعريف بنفسو، الأعداد، أيام الأسبوع، أفراد العائلة، بعض الألعاب، أسماء بعض الحيوانات الأليفة، الروتين اليومي ... وغيرو
في برنامج السنة الخامسة أغلب التلامذة مازالو ما فاتوش الدرس الثالث، والتلميذ المفروض يتمكن من التالي:
- يعرف الكلمات الي تتبع أفراد العائلة
- يركب جمل للإشارة لأفراد العائلة باستعمال This is/ These are
- يفرق ما بين استعمال ال subject pronouns الي هوما
(I-you-we-they-he-she,-it) وما بين ال possessive adjectives الي هوما (my-your-our-their-his-her-its)
- يعرف الأفعال to be و to have ويصرفهم بالصحيح في ال simple present ويعرفهم في ال
3 forms: affirmative, negative and interrogative
- يعرف أسماء بعض المهن
- يعرف بعض المفردات الي نوصفو بيهم الأشخاص معنويا.
- يعرف بعض الأفعال الي تعبر على المحبة والتعاون بين أفراد الاسرة أو الجيران
- يعبر على بعض الأدوار الي يقوم بيها المعلم في القسم
- يعرف أسماء مختلف المواد الي يقراها في المدرسة
- يعرف يسمي الملابس ويوصف اللبسة الي لابسها شخص
- يستعمل ادوات الربط and و but
تقريبا هذي أهم النقاط.
حظ موفق للجميع وما تنساوناش من دعيوة خير.
